GNSC - National Screening Center
  • Home
  • Contact
  • Sitemap
  • Facebook
       
ეროვნულმა სკრინინგ ცენტრმა საქმიანობა დაიწყო 2008 წლის 1 მაისს. სკრინინგის პროგრამის სახელმწიფო დონეზე დანერგვა, პირველად საქართველოში, ეროვნულმა სკრინინგ ცენტრმა დაიწყო. მისი განხორციელების იდეა... ვრცლად
ჩვენთვის ქველმოქმედება გადარჩენილ სიცოხლეს მიშნავს, თქვენთვის კი მადლიერების ასეთ სიტყვებს: "თქვენ მე სიცოცხლე მაჩუქეთ" – ეს ჩანაწერი სკრინინგის პროგრამაში მონაწილე ერთ-ერთმა ქალბატონმა თქვენ, ქველმოქმედებს... ვრცლად
ხშირად დასმული კითხვები
გთხოვთ, მაცნობოთ გლდანის რაიონში გახსნილი თქვენი ფილიალის ზუსტი მისამართი და საკონტაქტო ტელეფონი.
გლდანში ჩვენი ფილიალი არ გახსნილა.
საიტზე დევს მხოლოდ 2009 წლის სტატისტიკური მონაცემები. გთხოვთ, გახადოთ ხელმისაწვდომი უახლესი მონაცემებიც.
გთხოვთ, იხილოთ http://gnsc.ge/index.php?act=page&id=67&parent=56&children=yes&lang=ge
ვარ 28 კვირის ორსული, პაპ –ტესტით დამიდგინდა პაპილომავირუსი, ტიპი– 6. რეკომენდებულია თუ არა ამ ეტაპზე PAP ტესტის ჩატარება? ნაჩვენებია თუ არა საკეისრო კვეთა ვაგინალური მეჭეჭების გამოვლენის შემთხვევაში?
გთხოვთ, ზუსტად მოგვწეროთ რა სახის გამოკვლევა გაქვთ ჩატარებული (სისხლით თუ ნაცხით?)
პროსტატაზე ოპერაციის ჩატარების აუცილებლობის შემთხვევაში, სკრინინგ ცენტრი აფინანსებს ოპერაციას თუ არა?
პროსტატის ოპერაცია პროგრამით არ ფინანსდება.
გავიკეთე PAP-ტესტი, მაინტერესებს ამ გამოკვლევით თუ შეიძლება კიბოს დადგენა? თუ სხვა გამოკვლევაცაა საჭირო?
კიბოს დასადგენად მხოლოდ PAP-ტესტის ჩატარება არაა საკმარისი, ამისათვის საჭიროა კოლპოსკოპიური გამოკვლევაც.
PAP-ტესტი გავიკეთე უფასო პროგრამის ფარგლებში, პასუხი მჭირდება ოპერაციისათვის, მაგრამ როცა პასუხი იქნება უკვე ოპერაცია გაკეთებული მექნება ვინაიდან ექიმი უცხოეთიდან ჩამოდის. არ შეიძლება დაჩქარება?
მოგვწერეთ თქვენი პირადი მონაცემები, სახელი გვარი და გამოკვლევის ჩატარების თარიღი. ვეცდებით გავითვალისწინოთ თქვენი მდგომარეობა და დაგეხმაროთ.
მაინტერესებს პრეპარატი მაკმირორი რისი წამალია? PAP ტესტის ანალიზი გავიკეთე და ეს პრეპარატი დამინიშნეს.
მაკმირორი კომპლექსური ანტიმიკრობული პრეპარატია.იხ. ბმული http://www.vidal.ge/vidal/drug_more.php?id=1534
ხდება თუ არა თქვენს კლინიკაში სწორი ნაწლავის გამოკვლევა და სად მოვიდე შესამოწმებლად?
კოლორექტული (მსხვილი ნაწლავის) კიბოს სკრინინგის პროგრამის ფარგლებში, 50-დან 70 წლამდე ასაკის პირებს უტარდებათ ტესტი ფარულს სისხლდენაზე, საჭიროების შემთხვევაში კი კოლონოსკოპია. დეტალური ინფორმაციის მისაღებად, დარეკეთ 220 35 35.
ვცხოვრობ ზუგდიდში. მოქმედებს თუ არა, ამ რეგიონში, უფასო სკრინინგ პროგრამა და შემიძლია თუ არა მკერდის გამოკვლევა თქვენი პროგრამით?
სკრინინგის პროგრამა ხორციელდება მთელი საქართველოს მასშტაბით. დეტალური ინფორმაციის მისაღებად, დარეკეთ 220 35 35.
მაქვს დიაგნოზი: საშვილოსნოს ყელის ცვლილებები, განუსაზღვრელი მნიშვნელობის ატიპიით, ენდომეტრიუმის ჰიპერპლაზია, ცერვიტი. გთხოვთ, ამიხსნათ რისგან არის ეს ყველაფერი გამოწვეული? ასევე ნაცხში აღმოჩნდა ტრიქომონა, ეს დავადება მხოლოდ სქესობრივი გზით ვრცელდება თუ სხვა ფაქტორიც არსებობს?
ნაცხში აღმოჩენილი ცვლილებების მიზეზი შეიძლება იყოს მრავალი. სქესობრივის გარდა, ტრიქომონის გავრცელების სხვა გზებიც არსებეობს.
დაახლოებით ერთი წლის წინ გავიკეთე ექოსკოპია და ვიყავი მამოლოგთან. დამინიშნა მკურნალობა, მაგრამ ეხლა ისევ მაწუხებს მკერდი. საშიშია თუ არა?
განმეორებითი კონსულტაციისთვის, მიმართეთ მამოლოგს.
რამდენჯერ შემიძლია ჩავიტარო უფასო გამოკვლევა (პაპ ტესტი და კოლპოსკოპია)?
უფასო პროგრამაში ხელმეორედ ჩართვას, პასუხების დასკვნაში, ექიმის მიერ მითითებული რეკომენდაციის საფუძველზე შეძლებთ.
ბავშვის გაჩენის შემდეგ, ძუძუდან მაქვს უმნიშვნელო გამონადენი. სხვაგვარ პათოლოგიას ვერ ვამჩნევ ვერც გარეგნულად ვერც ხელით მოსინჯვით. ვარ დევნილი, თბილისში რეგისტრირებული, შემიძლია თქვენ ცენტრში მოსვლა გამოკვლევებზე?
რეკომენდირებულია მამოლოგის კონსულტაცია. შეგიძლიათ ჩაერთოთ სკრინინგის პროგრამაშიც თუ მიეკუთვნებით ქვემოაღნიშნულ ასაკობრივ ჯგუფს. 40-დან 70 წლამდე – ძუძუს კიბოს სკრინინგი· 25-დან 60 წლამდე – საშვილოსნოს ყელის კიბოს სკრინინგი· 50-დან 70 წლამდე - მსხვილი ნაწლავის კიბოს სკრინინგი დეტალური ინფორმაციის მისაღებად, დარეკეთ 220 35 35.
თუ შეიძლება პროსტატიტის უფასო გამოკვლევა და სად?
დეტალური ინფორმაციის მისაღებად, დარეკეთ 220 35 35.
რას იკვლევს პაპ ტესტი და სად შეიძლება ჩავიტარო გამოკვლევა? მყავს 9 წლის შვილი. მინდა ორსულობის დაგეგმვა, მაგრამ ახლახანს მქონდა 2 შეწყვეტილი ორსულობა, მიზეზი-ნაყოფის სუსტი მიმაგრება და საშვილოსნის ჰიპერტონუსი, მირჩიეთ რა სახის გამოკვლევა ჩავიტარო?
სასურველია გაიკეთოთ PAP– ტესტი. PAP– ტესტი საშვილოსნოს ყელის ნაცხის ლაბორატორიულ კვლევას წარმოადგენს. გამოიკვლეთ ფარისებრი ჯირკვალი და გაიკეთოთ ექოსკოპია. მიმართეთ გინეკოლოგს.
თუ ხორციელდება თქვენს მიერ სკრინინგ პროგრამები რაიონებში?
სკრინინგის პროგრამა ხორციელდება მთელი საქართველოს მასშტაბით. დეტალური ინფორმაციის მისაღებად, დარეკეთ 220 35 35.
სხეულზე რაღაც მზარდი ლაქა გამიჩნდა. მეშნია კანის ავთვისებიანი სიმსივნე არ იყოს, ჩემი ოჯახი გენეტიკურად მიდრეკილია სიმსივნისადმი.გთხოვთ, დამაკვალიანოთ თუ რა გამოკვლევაუნდა ჩავიტარო?
პირველ რიგში გაიარეთ დერმატოლოგთან კონსულტაცია. თუ იგი გამორიცხავს კანის სიმსივნეს, შემდეგ მიმართეთ სპეციალიზირებულ კლინიკას.
ვარ თბილისში რეგისტრირებული, სოციალურად დაუცველი, 81 წლის ქალბატონი. მეკუთვნის თუ არა პაპ ტესტი უფასოდ?
სკრინინგის პროგრამით, PAP ტესტი უფასოა 25-დან 60 წლამდე ქალბატონებისთვის.
მჭირდება საშვილოსნოს ყელის გამოკვლევა:PAP ტესტი და კოლპოსკოპია. ვცხოვრობ დასავლეთ საქართველოში. ქ. ხონში. ვარ 37 წლის. შემიძლია თუ არა ქ. ქუთაისში უფასო გამოკვლევა?
საშვილოსნოს ყელის უფასო გამოკვლევა იმერეთის რეგიონში უახლოეს ხანში იწყება. დამატებითი ინფორმაცისთვის მიმართეთ იმერეთის საზოგადოებრივი ჯანდაცვის დეპარტამენტს.
ვარ 20 წლის, უკვე მეორე დღეა მარცხენა ძუძუ მტკივა ხელს რომ ვიკიდებ დიდი ჯირკვალივით მხვდება ხელში. რა შეიძლება იყოს? რამე საშიში ხომ არ არის?
გირჩევთ, გაიკეთოთ ექოსკოპია და მამოლოგთან გაიაროთ კონსულტაცია.
არსებობს თუ არა პაპილომა ვირუსი სისხლში და თუ არსებობს, როგორ ვუმკურნალოთ მას და რამდენად საშიშია იგი სიცოცხლისთვის?
მიმართეთ გინეკოლოგს, ჩაიტარეთ PAP ტესტი.
ექვსი თვეა, რაც პატარამ ძუძუთი კვებას დაანება თავი. შევამჩნიე, რომ ორივე ძუძუდან მაქვს ყვითელი გამონადენი, ხელით გასინჯვით ჯირკველი არ ისინჯება. შეიძლება თუ არა რომ ეს წარმოადენდეს გარკვეულ საშიშროებას?
ლაქტაციის დასრულების შემდეგ, ნარჩენმა რძემ შეიძლება გამოიწვიოს ჰიპერპროლაქტინემია (პროლაქტინის მომატება), ამიტომ აუცილებელია მიმართოთ მამოლოგს და ენდოკრინოლოგს.
მყავს ორი თვის ბავშვი ბუნებრივ კვებაზე. თითქმის ერთი თვეა მაწუხებს მარცხენა მკერდი, ვგრძნობ ჩხვლეტებს. მაინტერესებს რისი ბრალი შეიძლება იყოს? ხომ არ არის მკერდის კიბოს გაჩენის საფრთხე?
მიმართეთ მამოლოგს.
3 წლის უკან, დამისვეს ფიბროადენომის დიაგნოზი. ვიმკურნალე, ექიმის რჩევით გავაჩინე ბავშვი, რომელსაც 7 თვე ვაწოვე ძუძუ. ამის შემდეგ მივმართე მამოლოგს, ჩავიტარე ექოსკოპიური გამოკვლევა. მითხრეს, რომ სარძევე ჯირკვალი მაქვს პათოლოგიის გარეშე. მაინც მაწუხებს ტკივილი იმ მკერდში რომელშიც მქონდა ცვლილება. კიდევ რა გამოკვლევა უნდა ჩავიტარო, რომ რაიმე უმნიშვნელო ცლილებაც კი არ გამომეპაროს?
ეცადეთ, იყოთ მამოლოგის და ექოსკოპისტის დაკვირვების ქვეშ.
თუკი თბილისში, თქვენს ცენტრში ხდება ყველანაირი კვლევა და უფასო ოპერაციები, ქუთაისელებმა რა დავაშავეთ? მით უმეტეს რომ უმუშევრობის გამო აქ უფრო საშინელი მდგომარეობაა. ნუთუ განწირულები ვართ? ვის უნდა მივაწვდინოთ ხმა, რომ ჩვენი თხოვნა შეისმინონ?
ძუძუს კიბოს სკრინინგის პროგრამა იმერეთში მოქმედებს 2009 წლიდან, შესაბამისად შეგიძლიათ მიმართოთ ადგილობრივ ცენტრს. ქუთაისში მის: მესხის 67 ტელ: (8 231) 3 64 64 მის: ჯავახიშვილის 83ა ტელ: (8 231) 5 16 19
მყავს დედა, რომელმაც თვენთან გაიკეტა როგორც მამოგრაფია, ასევე ექოსკოპია. პასუხები იყო შემდეგი: Dex-BI-RADS 2, Sin-BI-RADS 4. რას ნიშნავს?
BI-RADS– სისტემა მამოგრაფიაში რენდგენოლოგიური სურათის შესაფასებლად გამოიყენება. გაეცანით პასუხების ბოლოს მითითებულ რეკომენდაციას.
უქმნის თუ არა ორსულობას საფრთხეს ქრონიკული ლიმფური ლეიკემია? არსებობს რაიმე სპეციალური რჩევები ან რეკომენდაციები?
მიმართეთ ჰემატოლოგს.
ვარ 22 წლის, გასათხოვარი. მარცხენა მკერდში მაქვს კვანძი, ექოსკოპიური გამოკვლევით არის ფიბროადენომატოზური წარმონაქმნი. მამოლოგთან კონსულტაციის შემდეგ, გავიარე მკურნალობის 3 თვიანი კურსი. შესაძლებელია კვანძის გაწოვა წამლებით?ოპერაცია ხომ არ დამჭირდება?
მიმართეთ მამოლოგს.
დედაჩემს, რომელიც არის 48 წლის, აღმოაჩნდა საშვილოსნოს ყელის კიბო, პირველ სტადიაში. სხვა ყველა ორგანო და ლიმფური სისტემა სუფთა აქვს. გაუკეთდა ოპერაცია და ამოაჭრეს საშვილოსნო, ასევე საშვილოსნოს ყელი და საკვერცხეები. დაუნშნეს კომპლექსური სხივური თერაპია, რომელიც ღირს 13 900 ლარი, ამის სახსრები კი ჩვენს ოჯახს არანაირად არ გააჩნია. მაინტერესებს სად შეიძლება დაფინანსების მოძიება? შესაძლებელია თუ არა სრული განკურნება?
დაფინასების მოძიებაძე ინფორმაციის მისაღებად, მიმართეთ ჯანდაცვის სამინისტროს. საშვილოსნოს ყელის კიბოს პირველ სტადიაზე აღმოჩენის შემთხვევაში, განკურნება შესაძლებელია.
თქვენთან კონსულტაციის შემდეგ(2008. 09)გავიკეთე ფიბროადენომის ოპერაცია, ამჟამად არაფერი მაწუხებს. რა სახის კვლევებია საჭირო, რომ იგივე არ განმეორდეს? საკმარისია თუ არა მხოლოდ ექოსკოპიური კონტროლი? ამასთანავე მაქვს ფარისებრი ჯირკვლის დაქვეითებული ფუნქცია.
სასურველია ექოსკოპიური კონტროლი, ასევე უნდა მიმართოთ მამოლოგს და ენდოკრინოლოგს.
რა არის ალფაფეტოპროტეინი?
ალფაფეტოპროტეინი(AFP) ცილაა, რომელიც ორსულობისას სინთეზირდება ყვითელი სხეულის პარკის უჯრედების მიერ, ორსულობის 13 კვირიდან კი ნაყოფის ღვიძლის მიერ. გამოიყოფა შარდთან ერთად ამნიონალურ სითხეში და სანაყოფე გარსის გავლით ხვდება დედის სისხლში.
ვარ 53 წლის, მარჯვენა მხარეს ძუძუ შიგნიდან მეწვის. რისი ბრალი უნდა იყოს?
წვის და დისკომფორტის გამომწვევი მიზეზი შეიძლება იყოს სხვადასხვა. მიმართეთ მამოლოგს.
პაპილომავირუსის გარდა შეიძლება სხვა რამემ გამოიწვიოს კონტაქტური სისხლდენა? ნაცხის ანალიზში ამომივიდა სოკო და გარდანელა.რამდენად საშიშია ჩემი მდგომარეობა?
კონტაქტური სისხლდენის გამომწვევი მიზეზი შეიძლება იყოს სხვადასხვა. აუცილებლად მიმართეთ გინეკოლოგს.
არის თუ არა ალბათობა, მესამე სტადიაში, მსხვილი ნაწლავის კიბოს განკურნების?
ადეკვატური მკურნალობის შემთხვევაში, არსებობს განკურნების ალბათობა.
გათხოვილი ვარ თბილისში, ამის დასადასტურებლად შემიძლია წარვადგინო ქორწინების მოწმობა და მეუღლის პირადობის მოწმობა. პასპორტის მიხედვით, ჩაწერა მაქვს ოზურგეთში. ვარ 40 წლის, მესაჭიროება PAP ტესტი, თუნდაც ფასიანი მომსახურება, ოღონდ ეროვნული სკრინინგ ცენტრის სპეციალისტებთან. რამდენად შესაძლებელია? 3 წლის წინ PAP ტესტის პასუხი იყო cin- 2. ეს კიბოა?
თქვენ შეგიძლიათ ისარგებლოთ არაპროგრამული მომსახურებით. დიაგნოზი cin-2 არ არის კიბო, მაგრამ სასურველია კონტროლი, რადგან გამოირიცხოს დაზიანებული უბნის გადაგვარების შესაძლებლობა.
მარტივი ჰერპეს ვირუსით გამოწვეული ცვლილებები, ადამიანის პაპილომა ვირუსით გამოწვეული უჯრედული ცვლილებები, კანდიდას ტიპის სოკოთი გამოწვეული უჯრედული ცვლილებები, ენდოცერვიქსის ჯირკვლოვანი ინტრაეპითელური ნეოპლაზია, ენდოცერვიქსის რეზერვულუჯრედოვანი ჰიპრეპლაზია, უმწიფარი ბრტყელუჯრედოვანი მეტაპლაზია - 6 თვის წინ ამ დიაგნოზით ჩავიტარე მკურნალობა. ახლა მესაჭიროება PAP ტესტი. მითხრეს, რომ იკურნება და რას მეტყვით, რამდენად შესაძებელია ეს გადავიდეს სიმსივნეში? მაქვს ჩიყვიც.
რეკომენდებულია ჩიყვზე ყველა გამოკვლევის გაკეთება. თქვენს მიერ ჩამოთვლილი ყველა პათოლოგია იკურნება. სასურველია PAP ტესტის გაკეთება.
შეიძლება თუ არა თქვენთან პროსტატის მკურნალობა და ვარიკოცელეს ოპერაციას თუ აკეთებთ?
უროლოგთან შეძლებთ კონსულტაციის მიღებას, შიდა სატანდარტით. ოპერაციები ჩვენთან არ კეთდება.
ვარ 28წლის,საჩხერის რაიონიდან. მკერდში მაქვს კვანძი,მოძრავია.თუ მეკუთვნის თქვენთან უფასო გამოკვლევა ან როგორ მოვიქცე (ვის მივმართო)?
ძუძუს სკრინინგის პროგრამა 40-დან 70 წლამდე ასაკის ქალბატონებისთვისაა ხელმისაწვდომი.
გამარჯობა. თბილისში რეგისტრირებული არ ვარ და მინდა PAP ტესტის ჩატარება. როგორ მოვიქცე? თუ უფასოდ არ მეკუთვნის, რამდენი დამიჯდება?
PAP დიაგნოსტიკა, გინეკოლოგის გასინჯვის გარეშე, ჩვენთან ღირს 35 ლარი.
მაინტერესებს ახდენს თუ არა თქვენი ორგანიზაცია საჭიროების შემთხვევაში გადაუდებელი ოპერაცის დაფინანსებას?
გადაუდებელი ოპერაციები ეროვნულ სკრინინგ ცენტრში არ კეთდება.
ვარ 40 წლის, თბილისში რეგისტრირებული. გამოკვლევა ჩავიტარე თქვენს სკრინინგ ცენტრში, აღმომაჩნდა ფიბროადენომა 1,13X0,54სმ-ზე. პასუხის აღებისას არ გამივლია კონსულტაცია მამოლოგთან, მაინტერესებს საოპერაციოა თუ არა და როგორ კეთდება ეს ოპერაცია, ნარკოზით თუ ადგილობრივი ანესთეზიით?(ოპერაციის შემთხვევაში - რა დამიჯდება?) ველოდები პასუხს, დიდი მადლობა გულისხმიერებისთვის.
გირჩევთ 6–თვეში ერთხელ გაიკეთოთ ექოსკოპია, დააკვირდეთ ფიბროადენომის ზომებს. წარმონაქმნის გაზრდის შემთხვევაში, რეკომენდებულია ოპერაციული ჩარევა, რაც ჩვენთან უფასოდ გეკუთვნით. ოპერაცია კეთდება როგორც ნარკოზით, ასევე ადგილობრივი ანესთეზიით. ამ საკითხს ერთად წყვეტენ ექიმი და პაციენტი.
ჰისტეროსალპინგოგრაფია: პასუხი ასეთია - საშვილოსნოს ღრუ სამკუთხედის ფორმისაა, ნორმალური მდებარეობის, დიდი მოცულობით, დეფორმიული კონტურებით, არაერთგვაროვანი სტრუქტურის. მარჯვენა მილი მაღლაა. შემსხვილებულია ამპულარული ნაწილი და ორივე სუსტად გამტარია. საშვილოსნო და მილები არ იცლება კონტრასტისაგან. მკურნალობა მჭირდება ან ორსულობა თუ დადგება ასეთი მდგომარეობით? ვარ 6 წლის გათხოვილი, პირველადი უშვილობით, 30 წლის.
გირჩევთ გაიკეთოთ ფერტილოსკოპია. მიმართეთ გინეკოლოგს.
1 თვეა, მტკივა მკერდი (მარჯვენა), გამუდმებით ყრუდ. გამონადენი და თავის ჩაბრუნება არ არის. მამოლოგთან მიმართვის დროს, რომელი კვლევა უკეთესი და საფუძვლიანია ექოსკოპია თუ მამოგრაფია? ანუ რომელში უკეთ ჩანს მდგომარეობა? ვარ 30 წლის.
მაოგრაფია 40 წლამდე რეკომენდებული არ არის და, როგორც წესი, ნაკლებად ინფორმატიულია.
გამარჯობა, მაინტერესებს საშუალოდ რა ღირს კვანძის ამოკვეთა სარჯევე ჯირკვლიდან.
პირველ რიგში, საჭიროა კვანძის მორფოლოგიური კვლევა. თუ არ დადასტურდა წარმონაქმნის ავთვისებიანობა, ოპერაცია უფასოა თბილისში რეგისტრირებული 40-დან 70 წლამდე ქალბატონისთვის. თუ პაციენტი ვერ ჯდება ასაკობრივ ჯგუფში, მაშინ ოპერაციის ფასი 250-დან 550 ლარამდე მერყეობს.
ვარ 33 წლის. გავიკეთე სარძევე ჯირკვლის ულტრაბგერითი გამოკვლევა: კანის სისქე - ნორმა, კონტური - სადა, თანაბარი, კანქვეშა ცხიმოვანი ქსოვილი- ჭარბად გამოხატული, პარენქიმის ექოსტრუქტურა - წარმოდგენილია უპირატესად ცხიმოვანი და შემაერთებელქსოვილოვანი კომპონენტებით, ჯირკვლოვანი კომპონენტები ფრაგმენტებად შენახული. კუპერის იოგები გამკვრივებული, სარძევე სადინარები არა არის დილატირებული, კეროვანი დაზიანებები არ ვიზუალიზირდება, ლიმფური გზები არ ისახება. რეგიონალური ლ.კ. - პათ. ცვლილებების გარეშე, დასკვნა dex BI-RADS 1, sin BI-RADS 1 ეს გამოკვლევა გავიკეთე თქვენთან ექიმ გიორგაძესთან. გამოხატული ექოლოგიური ცვლილებების გარეშე. გინეკოლოგმაც გამსინჯა ხელით და მითხრა, რომ არაფერი არ არის, მაგრამ მარცხენა სარძევე ჯირკავალი მაწუხებს, მაქვს ჭვალივით ტკივილი, იღლიაშიც, მტკივა მკლავიც, ეს ტკივილი გადამდის ხერხემალში ზურგზე, კისრის ცოტა დაბლა და ისეთი შეგრძნება მაქვს, რომ მიჭერს ხერხემალთან, იშვიათად სარძევე ჯირკვლის თავი მეწვება, გარეგნულად არანარი ცვლილება არ არის, არც შეშუპება, არც გამონადენი დვრილიდან, არც დაწითლება, არც დეფორმაცია. ესეთი ტკივილები მაქვს,დაახლოებით თვეზე მეტია, რისი ბრალი შეიძლება იყოს, რას მირჩევდით? რომელი ექიმს უნდა მივმართო?გთხოვთ მიპასუხოთ. ნევროპათოლოგი თუ გყავთ და კონსულტაცია რა ღირს? ასევე რომელ დღეებში მუშაობს? წინასწარ გიხდით მადლობას.
გირჩევთ მიმართოთ ნევროპათოლოგს. გამორიცხეთ ოსტეოხონდროზი.
მაინტერესებს თქვენი პროგრამით თუ შეიძლება PAP ტესტის გაკეთება? გმადლობთ.
სკრინინგის პროგრამით PAP ტესტის გაკეთება შეუძლიათ 25-დან 60 წლამდე, თბილისში რეგისტრირებულ ქალბატონებს.
მამოლოგმა გასინჯვით დამიდგინა ფიბროადენომა.ექოსკოპია არ გამაკეთებინა და მითხრა, რომ ამოსაკვეთია.შეიძლება, რომ კვანძი წამლებით გაიწოვოს? ნებისმიერი ზომისა უნდა ამოიკვეთოს?
ჩვენი რჩევაა, პირველ რიგში, ჩაიტაროთ ექოსკოპიური გამოკვლევა. ამის შემდეგ, შესაძლებელია ვისაუბროთ ნამდვილად ფიბროადენომა გაქვთ თუ ფიბროადენომატოზული კვანძი. ქირურგიული ჩარევის აუცილებლობას ექოსკოპიური კვლევა დაადგენს.
შეიძლება თუ არა ფიბროზული პოლიპი გაუჩნდეს ქალიშვილს და როგორ ხდება მისი ამოკვეთა ქალიშვილებში?
ფიბროზული პოლიპის გაჩენა შესაძლებელია. მისი ამოკვეთა ხდება ლაპარასკოპიული მეთოდით.
ვარ პროფესიით ექიმი და მსურს მონაწილეობა მივიღო სკრინინგ ცენტრის კვლევებში. რა არის ამისათვის საჭირო?
ინფორმაცია ვაკანსიების შესახებ, პერიოდულად, ქვეყნდება მედიასა და ინტერნეტ სივრცეში.
ვარ 23 წლის და წყალტუბოში ჩაწერილი. მეკუთვნის თუ არა გინეკოლოგიური გამოკვლევა?
რეგიონებში რეგისტრირებულ ქალბატონებზე, საშვილოსნოს ყელის სკრინინგის პროგრამას, სახელმწიფო ჯერჯერობით არ აფინანსებს.
მოგესალმებით, მაქვს ლიმფომა, მე-3 სტადია, ვიტარებ სხივურ თერაპიას. აღმოვაჩინე, რომ ვარ 6-7 კვირის ორსული. ამ პერიოდში ვიკეთებდი დასხივებას და მაინტერესებს, შეიძლებოდა ნაყოფზე ემოქმედა ამ ყველაფერს?
აუცილებლად მიმართეთ გინეკოლოგს.
გთხოვთ, მიპასუხოთ, მამაკაცებში რომელ წლამდე ატარებთ გამოკვლევებს პროსტატაზე? 83 წლის მამაკაცებში უტარებთ?
პროსტატის სპეციფიკური ანტიგენის ტესტი უტარდებათ, თბილისში რეგისტრირებულ 45-დან 70 წლამდე მამაკაცებს.
ვარ 33 წლის, შარშან გავიკეთე ფარისებრი ჯირკვლის ოპერაცია, ხოლო თებერვალში(2010) ვიყავი უკრაინაში, ჩავიტარე რადიო–იოდოთერაპია. ახლა მსურს მოვემზადო ფეხმძიმობისთვის, გთხოვთ, მითხრათ, რამდენად შესაძლებელია?
მიმართეთ გინეკოლოგსა და ენდოკრინოლოგს.
დამიდგინდა მარცლოვანი და მტკინვეული სარძევე ჯირკვლები და სარძევე ჯირკვლის სტრუქტურა ჰემოგენური მკრივი(ACR-4)მარცხნივ მაკროკალცინატი DEX-BI-RADs3 CIN-BI-RADs. რა ვქნა?
მიმართეთ მამოლოგს.
გამარჯობა. ვარ ქალიშვილი და შეიძლება თუ არა ჩემთვის საშვილისნოს ყელის გამოკვლევა?
თქვენ შეგიძლიათ ჩაიტაროთ ნაცხის ბაქტერიოსკოპიული გამოკვლევა.
მქონდა საშვილოსნოს ყელის კიბო - პირველი სტადია, პრტყელ უჯრედოვანი კარცინომა.გავიკეთე ოპერაცია, ჩავიტარე სხივური თერაპია... რა შედეგები შეიძლემა მოყვეს შემდეგში? ვარ 32 წლის.
თქვენს კითხვებს ონკოლოგი უკეთ გასცემს პასუხს.
მაინტერესებს შესაძლებელია თუ არა პაპილომა ვირუსის გაჩენა მაშინ, როცა არ გაქვს დაწყებული სქესობრივი ცხოვრება? და თუ შესაძლებელია როგორ?
სქესობრივი კონტაქტის გარეშე პაპილომა ვირუსი არ გადადის, რადგან ამ ვისურის მატარებელი მამაკაცია.
გამარჯობა,1 თვის წინ ვიმკურნალე პაპილომა ვირუსზე, მაგრამ შემდეგ გამოკვლევაზე აღარ ვყოფილვარ. არაფერი მაწუხებს. უბრალოდ, გამონადენი მაქვს მოყვითალო ფერის, შესაძლებელია დარჩენილიყო ვირუსი? და კიდევ მაინტერესებს, ერთხელ მკურნალობა საკმარისია? რისკი იმისა რომ კიდევ გაჩნდეს ეს ვირუსი რამდენია?
კონკრეტულ შემთხვევაში, მიმართეთ სპეციალისტს.
გამარჯობათ, 2 თვის წინ მივმართე თქვენს ცენტრს. პაპ-ტესტის პასუხი იყო - ნორმა, რეკომენდაცია -ტრიქომონიაზის და კანდიდოზის მკურნალობა. მკურნალობის შემდეგ, განმეორებითი პაპ-ტესტის პასუხი იყო: ცინ1. რამდენად შესაძლებელია ორ თვეში შეიცვალოს პაპ-ტესტის პასუხი?
ტესტის გადამოწმება უნდა მომხდარიყო ერთი და იგივე კლინიკაში. რამდენად მოხდა ეს თქვენს შემთხვევაში, მოგვწერეთ.
ჩვენ ვცხოვრობთ დასავლეთში, სადაც არაა უფასო გამოკველევები. რა ვქნათ, რომ თქვენთან მოვხვდეთ? 2 წლის წინ გაიკეთა ოპერაცია და სჭირდება კონსულტაცია.
გთხოვთ, დაგვიკონკრეტოთ დასავლეთში რომელ რეგიონს ან რაიონს გულისხმობთ და რა ოპერაციაზე საუბრობთ?
ვარ 26 წლის, დამიდგინეს ფიბროადენომა 5მმ. ვგეგმავ ორსულობას. მაინტერესებს, რამდენად ხელს შეუშლის ორსულობას და ორსულობის განმავლობაში, არის თუ არა რაიმე საშიშროება ფიბროადენომის გადაგვარების.
მიმართეთ მაოლოგს.
მყავს 54 წლის დედა. 2009 წელს, მაისში აღმოაჩნდა საშვილოსნოს ყელის კარცინომა მე-3 სტადია. ჩავუტარეთ კამელინის 3 კურსი და ვკურნალობთ სხვა ხალხური მეთოდებით. სიმპტომებიდან გამომდინარე, დასნეულდა სწორი ნაწლავიც და შარდის ბუშტიც. მოიკლო წონაშიც და გაძლიერდა ტკივილებიც. რამდენად შეიძლება ოპერაცია ან რა შეიძლება გაკეთდეს?
მიმართეთ ონკოლოგებს. მხოლოდ გამოკვლევების შემდეგ შეიძლება თქვენს კითხვას პასუხი გაეცეს.
ძალიან მაინტრესებს საქართველოსა და ზოგადად მსოფლიოს სტატისტიკა პაპილომა ვირუსის გავრცელებაზე და სიკდილიანობაზე.
ეროვნული სკრინინგ ცენტრი ასეთი ტიპის სტატისტიკას არ აწარმოებს. შესაძლოა, ეს ინფორმაცია მოიძიოთ ჯანმრთელობის დაცვის სამინისტროში.
ვარ 26 წლის. ცოტა ხნის წინ, დამეწყო ყრუ ტკივილები მკერდის არეში, რომელსაც თან ერთვის ხელის ტკივილი. ახლა უფრო გამიმძაფრდა. მაინტერესებს, მასტოპათიამ შეიძლება გამოიწვიოს თუ არა მხრის და ხელის ტკივილი?
შესაძლოა ტკივილი მასტოპათიამ გამოიწვიოს, მაგრამ ზუსტი პასუხი მხოლოდ გამოკვლევების შემდეგ შეგიძლიათ მიიღოთ, ამიტომ გირჩევთ, მიმართეთ მამოლოგს.
ორი წლის წინ აღმომაჩნდა პაპილომა ვირუსი, გამოკვლევები ჩავიტარე ჟორდანიას სახელობის ინსტიტუტში, ჩავიტარე ექიმის მიერ ყველა რეკომენდებული გამოკვლევა, ანალიზი, კრიოდესტრუქცია თუ მედიკამენტოზური მკურნალობა, მაგრამ ვირუსი მაინც აქტიურია. მაინტერესებს, სად არის რეკომენდებული სრულყოფილი მკურნალობის ჩატარება, რის შედეგადაც დაცული ვიქნები საშვილოსნოს ყელის სიმსივნისაგან?
პაპილომა ვირუსს მუდმივი კონტროლი და მუდმივი მკურნალობა სჭირდება, რათა არ მოხდეს დაავადების პროგრესირება. ამიტომ გირჩევთ, 6 თვეში ერთხელ, ჩაიტაროთ პაპ-ტესტი და კოლპოსკოპია. თუ თქვენი ასაკი 25-დან 60 წლამდეა და თბილისში ხართ რეგისტრირებული, შეგიძლიათ უფასო გამოკვლევები ჩაიტაროთ ჩვენთანაც.
გავიკეთე პაპ-ტესტი, რომლის დიაგნოზია: ასკუს-ატიპიური ბრტყელი ეპითელიოციტები განუსაზღვრელი მნიშვნელობის ატიპიით. დამინიშნეს კოლპოსკოპია, გავიკეთე და მან ეს დიაგნოზი გამორიცხა. რა გავაკეთო? ვენდო კოლპოსკოპიას?
შეგიძლიათ, ენდოთ, რადგან კოლპოსკოპიური კვლევა პაპ-ტესტის პასუხის დასადასტურებლად ან გამოსარიცხად ტარდება.
ვარ 36 წლის, ვცხოვრობ ქუთაისში. მენსტრუაციის წინ, მაქვს მკერდის ტკივილი და ცოტა ყვითელი გამონადენი ძუძუდან. მენსტრუაციის შემდეგ, აღარ მტკივა და არც გამონადენი მაქვს. მაქვს ოსტეოქონდროზი, ჩიყვი და ნევროზი. შეიძლება თუ არა ეს გამოიწვიოს ამ დაავადებებმა? გთხოვთ, მირჩიოთ საიდან დავიწყო მკურნალობა? იმ ექიმმა არც მომისმინა, ძუძუ რომ ვახსენე. ონკოლოგიურში გამიშვა და ძალიან ვნერვიულობ.
მიმართეთ მამოლოგს. ჩივილები, რომლებსაც აღწერთ (გამონადენი, ტკივილები), სავსებით შესაძლებელია გამოიწვიოს ოსტეოქონდროზმა, ჩიყვმა, ნევროზმა. დაგჭირდებათ, ასევე, ენდოკრინოლოგისა და გინეკოლოგის კონსულტაცია.
ვარ 33 წლის. დაახლოებით ერთი წელია, დამეწყო მკერდის ტკივილი, განსაკუთრებით მესტრუაციის მოსვლის წინ 6-8 დღით ადრე. იღლიების მიდამოებში შემაწუხებლად მტკივა. აუცილებელია თუ არა, მივმართო ექიმს?
მიმართეთ მამოლოგს.
მითხრეს, მასტოპათია გაქვსო. 2 თვის განმავლობაში მენსტრუაცია არ მქონია. მქონდა დაბალი სიცხეები. ვიყავი ენდოკრინოლოგთან და მითხრა თიროტროპული ჰორმონი ძალიან დაბალი გაქვს და ამის ბრალიაო. თქვენ რას მეტყვით?
კონსულტაციისთვის, მიმართეთ ენდოკრინოლოგ-გინეკოლოგსა და მამოლოგს. როგორც ჩანს, თქვენი პრობლემა ჰორმონალური დისბალანსითაა გამოწვეული
ვარ 33 წლის. მითხრეს მასტოპათია გაქვსო. მკერდიდან მაქვს მოყვითალო ფერის გამონადენი. ამ თვეში მენსრუაციაც არ მომივიდა, ფეხმძიმობა არ არის. ენდოკრინოლოგს მივმართო თუ მამოლოგს? რას მირჩევთ? რამდენად საშიშია?
აუცილებლად მიმართეთ მამოლოგს
უკვე 5-6 წელია, რაც მკერდიდან მაქვს მოყვითალო ფერის გამონადენი.ხანდახან, პატარა სიმგრეც მესინჯება მკლავში. ვგრძნობ ყრუ ტკივილებს. რამდენად სერიოზულია ან რა გამოკვლევები გავიკეთო?
მიმართეთ მამოლოგს.
ვარ 33 წლის. მითხრეს მასტოპათია გაქვსო. ასევე, მაქვს გამონადენი მკერდიდან, მკლავზე - ტკივილები. რამდენად საშიშია ან რას მირჩევთ?
მიმართეთ მამოლოგს.
ვარ 31 წლის. მყავს სამი შვილი. პატარას, რომელიც წლისა და 2 თვისაა, ვკვებავ ძუძუთი. 2 დღეა, სიმაგრე მაქვს მარჯვენა ძუძუში. მქონდა ტემპერატურაც 37,5. ხომ არაა საშიში და რა ვქნა?
მიმართეთ მამოლოგს.
25 წლის ვხდები და არ შეიძლება, გამოკვლევა ჩავიტარო?
25 წლის ასაკში შეგიძლიათ, უფასოდ ჩაიტაროთ საშვილოსნოს ყელის გამოკვლევები.
თბილისში ვცხოვრობ ქირით და შეიძლება ჩავიტარო კამოკვლევა თქვენთან? თუ არ შეიძლება, სად მივმართო?
თუ თქვენ თბილისში ხართ რეგისტრირებული და აკმაყოფილებთ პროგრამით გათვალისწინებულ ასაკობრივ კატეგორიას (ძუძუს კიბოს სკრინინგი 40-დან 70 წლამდე, საშვილოსნოს ყელის კიბოს სკრინინგი 25-დან 60 წლამდე), შეგიძლიათ მოგვმართოთ. ასევე, თუ რეგისტრირებული ხართ აჭარის, იმერეთის, კახეთის ან ქვემო ქართლის რეგიონში, სკრინინგის პროგრამის ფარგლებში გეკუთვნით ძუძუს უფასო გამოკვლევები (40-დან 70 წლამდე).
თუ თბილისში ვცხოვრობ, მაგრამ არ ვარ ჩაწერილი შემიძლია ჩავიტარო გამოკვლევა?
თუ თქვენ თბილისში ხართ რეგისტრირებული და აკმაყოფილებთ პროგრამით გათვალისწინებულ ასაკობრივ კატეგორიას (ძუძუს კიბოს სკრინინგი 40-დან 70 წლამდე, საშვილოსნოს ყელის კიბოს სკრინინგი 25-დან 60 წლამდე), შეგიძლიათ მოგვმართოთ. ასევე, თუ რეგისტრირებული ხართ აჭარის, იმერეთის, კახეთის ან ქვემო ქართლის რეგიონში, სკრინინგის პროგრამის ფარგლებში გეკუთვნით ძუძუს უფასო გამოკვლევები (40-დან 70 წლამდე). სხვა რეგიონებში სკრინინგის პროგრამა ჯერჯერობით არ ფინანსდება.
ვარ 32 წლის. შემიძლია თუ არა ეროვნულ სკრინინგ ცენტრში მკერდის უფასო გამოკლვლევა?
ძუძუს სკრინინგის პროგრამას თბილისის მუნიციპალიტეტი აფინანსებს 40-დან 70 წლამდე ასაკის ქალბატონებისთვის.
ვარ 44 წლის, ვცხოვრობ ქ.ზუგდიდში, მყავს სამი შვილი და I ჯგუფის ინვალიდი ქმარი (უმუშევარი). ორი კვირის წინ გავიკეთე მკერდის ოპერაცია, მომკვეთეს ორივე მკერდი, რომლის ღირებულებამ შეადგინა 3200(ნასესხები) ლარი. ანალიზის პასუხის შემდეგ მამოლოგმა დამინიშნა ხანგრძლივი ქიმიოთერაპიული მკურნალობა, რომლის ღირებულებაა 12000 ევრო. გთხოვთ გამაგებინოთ, ვის მივმართო, რომელ ორგანიზაციას შეუძლია, მთლიანად თუ არა ნაწილობრივ მაინც, დამიფინანსოს ხანრძლივი ქიმიოთერაპიული მკურნალობა? მეკუთვნის ინვალიდობის სტატუსი?
მიმართეთ ჯანდაცვის ადგილობრივ განყოფილებას, რომელიც ვადლებულია მოგაწოდოთ ინფორმაცია თქვენს მიერ დასმულ კითხვებზე.
1 წლის წინ გავიკეთე მკერდის ოპრაცია(მოვიკვეთე), მჭირდება სილიკონის პროთეზი. თქვენთან თუ შეიძლება მისი შეძენა?
ეროვნულ სკრინინგ ცენტრში პროთეზირების პროგრამა, ჯერჯერობით, არ ხორციელდება.
მყავს ერთი წლის ბავშვი, ექვს თვემდე წოვდა ძუძუს. ბოლო ორი თვეა, მკერდში ვგრძნობ წვას ზოლზე, ზევიდან ქვევით. რისი ბრალი შეიძლება იყოს და რას მირჩევთ?
მიმართეთ მამოლოგს.
იღლიის ფოსოს კვლევა როგორ ხდება თუ ჯირკვალი არ არის?
გთხოვთ, უფრო დაგვიკონკრეტოთ თქვენი შეკითხვა.
მკერდის ტკივილის შემთხვევაში, კისრისა და ხერხემლის გამოკვლევის დროს, ხერხემლის რა ნაწილის გამოკვლევა ხდება? (მოგეხსენებათ, ხერხემალი დიდია და მისი თავიდან ბოლომდე გამოკვლევა შეუძლებელია). ხერხემლის რა ნაწილი გამოვიკვლიო ოსტეოქონდროზის დასადგენად ან გამოსარიცხად?
გამოიკვლიეთ მეორე მალიდან მეათემდე.
დიდი ხანია მაწუხებს მკერდი, უკვე 4 წელია. რამდენჯერმე გადავიღე მამოგრაფია, ექოსკოპია, დიაგნოზი დამისვეს-ფიბროლიპომა. როგორც ამიხსნეს, ამ დაავადებას არ ახასიათებს ისეთი საშინელი ტკივილი, როგორიც მე მაქვს. გამგზავნეს ნევროპათოლოგთან და ნეიროქირურგთან, მათ ვერანაირი პასუხი ვერ გამცეს. არც ონკოლოგის პაციენტი ვარ და არც ნევროპათოლოგის, ტკივილს კი არანაირი გამაყუჩებელი არ მიხსნის. გთხოვთ მირჩიოთ რა ვქნა???
გირჩევთ, ჩაიტაროთ კისრისა და ხერხემლის გამოკვლევები, რათა გამოირიცხოს ოსტეოქონდროზი.
ვარ 50 წლის, 47 წლის ასაკში გავიკეთე მკერდზე კისტის ოპერაცია. ამ ბოლო პერიოდში დამერღვა მენსტრუაციული ციკლი. მაინტერესებს არის თუ არა ეს დარღვევა ოპერაციასთან კავშირში და რამდენად საშიშია?
თქვენი ასაკიდან გამომდინარე, სავსებით შესაძლებელი იყო მენსტრუალური ციკლის დარღვევა.
ვარ 26 წლის, გათხოვილი. მაქვს ფიბროადენომა. რამდენად საშიშია? არის თუ არა ოპერაცია აუცილებელი (არ იზრდება) და რამდენად საზიანოა ამ შემთხვევაში ორსულობა?
ორსულობის დროს ფიბროადენობა ზომაში მოიმატებს და სავარაუდოდ, ფეხმძიმობის მე-6 თვეზე მაინც მოგიწევთ ოპერაცია. ამიტომ გირჩევთ, ამოიჭრათ.
მაინტერესებს, ეს ცენტრი თუ არსებობს ქუთაისში და თუ არსებობს, მიუთითეთ მისამასთიც.
იმერეთის რეგიონში, ძუძუს კიბოს სკრინინგის პროგრამაზე გამოცხადებული ტენდერის პასუხები რამდენიმე დღეში გახდება ცნობილი. შესაბამისად, ქუთაისში არსებული ცენტრების მისამართებსაც ამ ტენდერის დასრულების შემდეგ გამოვაქვეყნებთ.
გავიკეთე PAP-ტესტი, რომლის პასუხი კარგია. ასევე გავიკეთე კოლპოსკოპიური გამოკვლევა, სადაც დიაგნოზი დამისვეს-დამაკმაყოფილებელი კოლპოსკოპია, CIN 1. როგორც ვიცი, ამას იწვევს HPV ვირუსი. მაინტერესებს, თქვენთან თუ ხდება HPV ტესტირება მაღალი რისკის ტიპის ვირუსის იდენტიფიკაციის მიზნით, ანუ ამ ვირუსზე შემოწმება შესაძლებელია თუ არა თქვენთან უფასოდ.
ეროვნულ სკრინინგ ცენტრში ვირუსის იდენტიფიკაცია არ ხდება.
მაინტერესებს, საშვილოსნოს მილების გადაკეტვა არის თუ არა საზიანო ორგანიზმისთვის? რა გართულებები შეიძლება მოყვეს?ვფიქრობ მეორე შვილის მერე გადავიკეტო.
ზოგადად, საშვილოსნოს მილების გადაკეტვა ორგანიზმისთვის საზიანო არაა. რაც შეეხება გართულებას, შესაძლოა ისეთივე იყოს, როგორიც ნებისმიერი სხვა სახის ოპერაციის შემთხვევაში (გართულება შესაძლოა კბილის ამოღებასაც მოჰყვეს). ამავე დროს, თუ კიდევ გაგიჩნდათ მესამე შვილის გაჩენის სურვილი, საშვილოსნოს მილების გადაკეტვის შემდეგ, მისი აღდგენა შეუძლებელია.
გამარჯობა, 21 წლის ასაკში საკეისრო კვეთით გავაჩინე ბავშვი. რძე 1 კვირაში გამიშრა. მეორე შვილზე ვფიქრობ, გავიკრა მკერდი. რამდენად რეკომენდებულია და არის თუ არა საშიშროება შემდგომი გარათულებების?
მკერდის გაკვრა არაა რეკომენდებული და შესაძლოა, საზიანოც კი აღმოჩნდეს თქვენი ჯანმრთელობისათვის.
ვარ 22 წლის გადავიღე ეხოსკოპია მკერდზე და ფიბრომა აღმომაჩნდა, როგორ მოვიქცე?
გთხოვთ, ზუსტი დიაგნოზი მოგვწეროთ.
მანტერესებს, თქვენთან მკერდის გაზრდა თუ არის შესაძლებელი?
ეროვნულ სკრინინგ ცენტრში პლასტიკური ოპერაციები არ კეთდება.
ერთი და იგივეა თუ არა შერწყმული სხივური თერაპია და სტანდარტული ბრაქითერაპია?
მიმართეთ ქიმიოთერაპევტს.
ვარ 32 წლის, 2 შვილის დედა. პატარა 2 წლისა და 8 თვისაა, დღემდე ძუძუთი იკვებება. ტკივილს და რაიმე დასაეჭვებელს არ ვგრძნობ. მაინტერესებს, არის თუ არა მიზანშეწონილი ამ ასაკში ბავშვი კიდევ იკვებოს ძუძუთი და რაიმე გართულება ხომ არ შეიძლება მოყვეს დედისთვის?
როგორც წესი, დედის რძე თავის ძირითად თვისებებს, ერთი წლის შემდეგ კარგავს, ამიტომ შეგიძლიათ ძუძუთი კვება შეწყვიტოთ. გართულება არც მის შეწყვეტას და არც მის გაგრძელებას არ მოყჰვება.
ვარ 35 წლის. შემიძლია თუ არა მკერდის უფასო გამოკლვლევა?
ეროვნულ სკრინინგ ცენტრში ძუძუს უფასო გამოკვლევები უტარდებათ თბილისში რეგისტრირებულ, 40-დან 70 წლამდე ქალბატონებს.
მილებზე მკურნალობთ?
ეროვნული სკრინინგ ცენტრი სამკურნალო დაწესებულება არ არის.
ძუძუს თავი მიბრუნდება შიგნით. ვგრძნობ ცოტა ტკივილს. ვარ 35 წლის, 2 შვილის დედა. რამდენად საშიშია და ვის მივმართო?
აუცილებლად მიმართეთ მამოლოგს.
მკერდში მაქვს ცოტა ტკივილი და პატარა რაღაც ბურთივით. რა შეიძლება იყოს? ვარ 29 წლის, გათხოვილი.
აუცილებლად მიმართეთ მამოლოგს.
5 თვის წინ გავიარე შემოწმება მამოლოგთან, რენტგენიც გადავიღე. მითხრა, რომ არაფერი მჭირს. უკვე ერთი კვირაა, ვგრძნობ ჩხვლეტას მკერდის არეში, თუმცა არც სიმაგრეს ვგრძნობ, არც რაიმე პატარა წარმონაქმნს. ცოტათი შემეშინდა. შეიძლება ისევ ჩავიტარო გამოკვლევა? თუ დრო უნდა გავიდეს მეორე შემოწმებამდე? 2 წლის წინ ჩამიტარდა ფიბრომის ოპერაცია, საშვილოსნო და საკვერცხეები ამოკვეთილი მაკვს.
ჩხვლეტები, შესაძლოა სულაც არ მიუთითებდეს ძუძუში არსებულ რაიმე პრობლემაზე და სხვა ფაქტორით იყოს განპირობებული, თუმცა თქვენი ავადმყოფობის ისტორიიდან გამომდინარე (2 წლის წინ გაკეთებული ოპერაცია), გირჩევთ, მიმართოთ მამოლოგს და ის გადაწყვეტს, ჩაგიტარდეთ თუ არა უფრო ღრმა კვლევა.
ციკლის დამთავრებიდან რამდენი დღის განმავლობაში შეიძლება პაპ-ტესტის ჩატარება?
Pap-ტესტის ჩასატარებლად, ციკლის დამთავრებიდან მინიმუმ 3 და მაქსიმუმ 6 დღე უნდა იყოს გასული.
იმერეთის რეგიონში საშვილოსნოს ყელის კიბოს სკრინინგი არ ტარდება და რატომ?
საშვილოსნოს ყელის კიბოს სკრინინგის რეგიონალური პროგრამისთვის, ჯერჯერობით, საკმარისი ფინანსები არ არის.
რამდენ ხანს გაგრძელდება ეს პროგრამა?
ძუძუსა და საშვილოსნოს ყელის კიბოს სკრინინგის პროგრამა, ამ ეტაპზე, 2010 წლის ბოლომდეა დამტკიცებული.
თუ კი ხარ 40 წლამდე და გაქვს მკერდთან დაკავშირებული პრობლემები, შეგეხება თუ არა უფასო გამოკვლევები?
ძუძუს კიბოს სკრინინგის პროგრამა 40 წლამდე ქალბატონებისთვის არ ფინანსდება.
ვარ 28 წლის. მყავს 5 წლის შვილი, რომელსაც ძუძუ არ უწოვია. ერთი წლის წინ შევამჩნიე მკერდში სიმაგრე. მივმართე მამოლოგს, ჩამიტარეს ექოსკოპიური გამოკვლევა და მითხრეს, რომ მქონდა ფიბროადენომური მასტოპათია. დამინიშნეს მკურნალობა და მირჩიეს ბავშვის გაჩენა. ვარ ორსულობის მე-7 თვეზე. კვანძი აღარ მესინჯება, მაგრამ ტკივილის შეგრძნება მაქვს. მივმართე მამოლოგს და მითხრა, რომ არაფერია. მაინტერესებს, რამდენად ვარ დაცული ორსულობაში და ძუძუთი კვების დროს კიბოსაგან და თუ შეიძლება ამ პერიოდებში სკრინინგ გამოკვლევების ჩატარება?
თუ ფიბროადენომა დადასტურებულია, მიმართეთ ქირურგ მამოლოგს. ორსულობის დროს მამოგრაფიული კვლევის ჩატარება არ შეიძლება, ძუძუს ექოსკოპია კი დასაშვებია.
ვარ 25 წლის. მყავს 11 თვის ბავშვი, რომელიც მშობიარობის შემდეგ ძუძუთი არ გამომიკვებია და გამიჩნდა მასტიტი, რომელიც დროთა განმავლობაში გადაიქცა კისტად. მაინტერესებს არის თუ არა კისტის კიბოდ გადაქცევის შანსი და დაახლოებით რა ღირს კისტის ოპერაცია?
კისტის კიბოდ გადაქცევა ნაკლებად შესაძლებელია. კისტის ოპერაცია კეთდება მხოლოდ იმ შემთხვევაში, თუ ის მკურნალობის სხვა მეთოდებს არ დაექვემდებარა, ამიტომ მკურნალობის კურსის შესარჩევად მიმართეთ სპეციალისტს.
დაახლოებით 5 თვეა რაც ძუძუს შიგნით შევამჩნიე სიმაგრე, ციკლის დროს უფრო იზრდება და მაწუხებს. ძუძუს თავზეც ჩხვლეტის მაგვარი ტკივილი მაქვს. მაინტერესებს ამ შემთხვევაში არსებობს კიბოს საშიშროება? სხვა არანაირი ნიშნები არ არის...
მიმართეთ მამოლოგს. თუ თქვენი ასაკი 40-დან 70 წლამდეა, შეგიძლიათ ისარგებლოთ ეროვნული სკრინინგ ცენტრის სერვისით და ჩაიტაროთ ძუძუს უფასო გამოკვლევები.
შესაძლებელია თუ არა ძუძუს სკრინინგი ორსულობის დროს.
არ შეიძლება.
არის თუ არა რეკომენდებული მამოგრაფიის ხელმეორედ ჩატარება 6 თვის შემდეგ. საშიში ხომ არ არის ჯანმრთელობისთვის?
განმეორებითი მამოგრაფია შეგიძლიათ ჩაიტაროთ მამოლოგის რეკომენდაციის შემთხვევაში.
ვარ 29 წლის, გათხოვილი. მქონდა ორივე მკერდის ტკივილები. გავესინჯე ექიმს და მითხრა, რომ მქონდა მასტოპათია. მაინტერესებს რამდენად საშიშია და აქვს თუ არ რაიმე გართულება? მინდა შეგეკითხოთ, რატომ არ ხდება 40 წლამდე ქალების უფასო გამოკვლევები მკერდზე, ეს ხომ ძალიან გახშირებულია ახალგაზრდებში?
მუდმივად აკონტროლეთ თქვენი სარძევე ჯირკვლის მდგომარეობა თვითგასინჯვის მეთოდით; ძუძუს კიბოს სკრინინგის პროგრამაში მონაწილე ქალბატონების ასაკობრივი ჯგუფი საერთაშორისო სტანდარტებით დგინდება.
ვცხოვრობ სამცხე-ჯავახეთში, ახლციხეში. უაღრესად დიდი სურვილი მაქვს ჩავიტარო გამოკვლევა, როგორც ძუძუზე ასევე საშვილოსნოზე.
თქვენს რეგიონში ძუძუსა და საშვილოსნოს ყელის კიბოს სკრინინგის პროგრამა ჯერჯერობით არ მოქმედებს.
მკერდზე გამონაყარი და იღლიაში ჯირკვალი მაქვს. მაინტერესებს თქვენთან თუ შეიძლება გამოკვლევა? საშიშია ეს სიპტომები?
მიმართეთ მამოლოგს. ეროვნულ სკრინინგ ცენტრში ძუძუს გამოკვლევები უტარდებათ თბილისში რეგისტრირებულ, 40-დან 70 წლამდე ასაკის ქალბატონებს.
როგორ ჩავერთო სკრინინგის პროგრამაში?
პროგრამაში მონაწილეობა ხელმისაწვდომია თბილისში მცხოვრები ნებისმიერი ქალბატონისთვის: 40-დან 70 წლამდე – ძუძუს კიბოს სკრინინგი 25-დან 60 წლამდე – საშვილოსნოს ყელის კიბოს სკრინინგი თუ ეკუთვნით რომელიმე ამ ასაკობრივ ჯგუფს, დარეკეთ ნომრებზე:2-20-35-35 და დარეგისტრირით. ამავე დროს შეიტყობთ ვიზიტის თარიღს და იმ კლინიკის მისამართს, სადაც სკრინინგ-ტესტს ჩაგიტარებენ.
არის თუ არა საშვილოსნოს ყელის სკრინინგი კიბოს პრევენციის საშუალება?
სკრინინგი საშუალებას იძლევა, გამოვლინდეს საშვილოსნოს ყელის ქსოვილში განვითარებული პათოლოგიური ცვლილებები. მათი ადრეული აღმოჩენისა და მკურნალობის შედეგად კიბოს თავიდან აცილება 100-დან 75 შემთხვევაშია შესაძლებელი!
რა ნაკლი აქვს საშვილოსნოს ყელის კიბოს სკრინინგს?
ძალზე იშვიათად, საშვილოსნოს ყელის კიბოს სკრინინგისას, პათოლოგიური ცვლილება შესაძლოა, არ დაფიქსირდეს, ვინაიდან: ზოგჯერ ავთვისებიანი უფრედები ნორმალურისგან ძნელი გასარჩევია; საკვლევი მასალა (ნაცხი) მეტად მცირე რაოდენობის პათოლოგიურ უჯრედს შეიცავს. იმ ქვეყნების სტატისტიკის მიხედვით, სადაც საშვილოსნოს ყელის კიბოს სკრინინგი ფართოდაა დანერგილი, ყოველი 10 ანალიზიდან ერთი გადამოწმებას მოითხოვს, რადგან შესაძლოა: აღმოგაჩნდეთ ინფექცია, რომლის მკურნალობა აუცილებელია, რათა სრულფასოვანი დიაგნოზი დაგისვან; საკვლევი უჯრედები სისხლით ან ლორწოთი იყოს დაფარული; ნაცხში საკვლევი უჯრედი ძალიან ცოტა იყოს; საკვლევი მასალა არასათანადოს იყოს მომზადებული; საკვლევი მინა, რომელზეც ნაცხია მოთავსებული, გატყდეს.
როგორ მოვემზადოთ Pap ტესტისთვის?
საშვილოსნოს ყელის კიბოს სკრინინგისთვის მომზადებისას გახსოვდეთ: დაუშვებელია Pap ტესტის ჩატარება მენსტრუაციის დროს. სკრინინგისთვის საუკეთესოა ციკლის შუა პერიოდი; თუ სქესობრივი კონტაქტის დროს დაცვის ბარიერული საშუალება, სპერმიციდი ან ლუბრიკანტი გამოიყენეთ, უახლოესი 24 საათის განმავლობაში Pap ტესტის ჩატარება რეკომენდებული არ არის - კონტრაცეპტივებში შემავალი ქიმიური ნოვთიერებები ტესტის შედეგზე გავლენას ახდენს.
როდის არის საჭირო საშვილოსნოს ყელის განმეორებითი კვლევა?
სტატისტიკის თანახმად, იმ ქვეყნებში, სადაც ფართოდ არის დანერგილი საშვილოსნოს ყელის კიბოს სკრინინგის პროგრამა, Pap ტესტის საშუალებით გამოკვლეულთა 93,5%-ს არავითარი საეჭვო ცვლილება არ უვლინდება. განმეორებითი გამოკვლევა (ანალიზის გადამოწმება) ექიმმა ქალს მაშინ შეიძლება ურჩიოს, როდესაც ნაცხი არადამაკმაყოფილებელ ინფორმაციას იძლევა, მაგალითად, საკვლევი უჯრედები სისხლით ან ლორწოთია დაფარული, ნაცხი არასათანადოდაა აღებული და ა.შ. თუ Pap ტესტის შედეგად განსაზღვრული ცვლილებები (სახეცვლილი უჯრედები) გამოვლინდა, ეს იმას არ ნიშნავს, რომ უთუოდ კიბო გაქვთ - ზოგ შემთხვევაში ასეთი ცვლილება საგანგაშო არ არის, თუმცა დიაგნოზის დასაზუსტებლად გინეკოლოგმა შესაძლოა კოლპოსკოპიური კვლევის ჩატარება გირჩიოთ.
როდის უნდა ველოდო Pap ტესტის პასუხს?
Pap ტესტის შედეგს 10 სამუშაო დღის შემდეგ, სკრინინგის ჩატარების ადგილის მიხედვით შეიტყობთ.
რა პრინციპით ტარდება Pap ტესტი?
ტექნიკურად Pap ტესტი შემდეგნაირად ხორციელდება: საშვილოსნოს ყელის ე.წ. T (ტრანსფორმაციის, ანუ გარდაქმნის) ზონიდან გინეკოლოგი შპადელით ანუ ფუნჯით იღებს ნაცხს, რომელიც სათანადო წესების დაცვით თავსდება სასაგნე მინაზე და იგზავნება ლაბორატორიაში მიკროსკოპული გამოკვლევისთვის. პროცედურამ, რომელიც რამდენიმე წუთს გრძელდება, შესაძლოა მცირედი სიკომფორტი გამოიწვიოს, რომელიც ნაცხის აღების დასრულებისთანავე უკვალოდ ქრება. თუ შპადელის შეხებისას ტკივილი იგრძენით, უთუოდ აცნობეთ გინეკოლოგს.
რატომ არის აუცილებელი საშვილოსნოს ყელის კიბოს სკრინინგი?
საშვილოსნოს ყელის კიბოს სკრინინგი საშუალებას იძლევა, გამოვლინდეს ყოველგვარი კიბოსწინარე დაავადება და ინფექცია. ტესტის საშუალებით ვლინდება საშვილოსნოს ყელის კიბოს განვითარების ერთ-ერთი უმთავრესი მიზეზით - ადამიანის პაპილომა ვირუსით გამოწვეული ცვლილებები. ამდენად, საშვილოსნოს ყელის კიბოს სკრინინგი ავთვისებიანი სიმსივნისგან თავის დაცვის საუკეთესო საშუალებაა!
რა პრონციპით ხორციელდება საშვილოსნოს ყელის კიბოს სკრინინგი?
საშვილოსნოს ყელის კიბოს სკრინინგის უმთავრესი მეთოდია Pap ტესტი, რომელიც საშვილოსნოს ყელის ნაცხის გამოკვლევას გულისხმობს.
არის თუ არა სკრინინგი ძუძუს კიბოს პრევენციის საშუალება?
სკრინინგი საშუალებას იძლევა, დროულად იქნეს აღმოჩენილი უკვე არსებული ავთვისებიანი სიმსივნე, მაგრამ სამომავლოდ კიბოსგან დაცვას არ უზრუნველყოფს. ძუძუს კიბო, ისევე როგორც ნებისმიერი სხვა ორგანოს ავთვისებიანი სიმსივნე, შესაძლოა გაჩნდეს გეგმურ მამოგრაფიულ გასინჯვებს შორის.
რა ნაკლი აქვს ძუძუს კიბოს სკრინინგს?
ისევე, როგორც ყველა სხვა სახის გამოკვლევას, მამოგრაფიასაც აქვს რამდენიმე ნაკლი. კერძოდ: ავთვისებიან სიმსივნეთა ზოგიერთი სახეობა ცუდად ჩანს ან სრულებით არ ჩანს რენტგენის ფირზე.
რას ნიშნავს პასუხი, რომ მკურნალობა გჭირდებათ?
თუ ექიმმა დაგარწმუნათ, რომ მკურნალობა გჭირდებათ, ნუ შეშფოთდებით. ძუძუს დაავადებათა უმრავლესობას კეთილთვისებიანი მიმდინარეობა ახასიათებს, თუმცა ყოველ მათგანს სჭირდება დროული და სწორი მკურნალობა, რისთვისაც ქალმა სკრინინგის პროგრამაში მომუშავე ექიმის რჩევით უნდა მიმართოს სპეციალიზებულ მამოლოგიურ დაწესებულებას, ვინაიდან დაავადების მკურნალობა სცდება სკრინინგის პროგრამის ფარგლებს. პირველ სტადიაზე გამოვლენილი დაავადების მკურნალობა ძუძუს კიბოს შემთხვევაშიც კი მეტად შედეგიანია და 100-დან 98 შემთხვევაში სრული განკურნებით სრულდება
როგორ მოვემზადოთ მამოგრაფიისთვის?
ძუძუს კიბოს სკრინინგისთვის განსაკუთრებული მომზადება საჭირო არ არის, მხოლოდ გამოკვლევის დღეს შხაპის შემდეგ არ გამოიყენოთ კოსმეტიკური საშუალებები: კრემი, მისაყრელი პუდრი და დეოდორანტი. დაიმახსოვრეთ: ძუძუს გამოკვლევის ჩატარება რეკომენდებულია მენსტრუალური ციკლის დაწყებიდან მე-7-12 დღეს.
როდის არის საჭირო ძუძუს განმეორებითი კვლევა?
სტატისტიკის თანახმად, ქვეყნებში, სადაც ფართოდ არის დანერგილი ძუძუს კიბოს სკრინინგის პროგრამა, მამოგრაფიული კვლევის შემდეგ გამოკვლეულთა 95%-ს არავითარი საეჭვო ცვლილება არ უვლინდება. შესაძლოა, ექიმმა ქალს განმეორებითი გამოკვლევის ჩატარება ურჩიოს, თუ: . მამოგრაფიამ გამოავლინა ცვლილება, რომელიც დამატებით შესწავლას საჭიროებს . ტექნიკური წუნის გამო ფირზე კვლევის შედეგის წაკითხვა შეუძლებელია. თუ მამოგრაფიული კვლევის შედეგად საეჭვო ცვლილებები გამოვლინდა ექიმი დამატებითი კვლევის (ექოსკოპიური კვლევის, ბიოფსიის) ჩატარებას გირჩევთ . თუ სკრინინგმა საეჭვო ცვლილება არ აჩვენა, განმეორებით გამოკვლევა მხოლოდ ორ წელიწადში ერთხელ მოგიწევთ.
როდის უნდა ველოდოთ ძუძუს გამოკვლევების პასუხს?
მამოგრაფიის დასრულების შემდეგ მამოგრამას (ფირს, რომელზეც სარძევე ჯირკვლის ქსოვილია გამოსახული) ორი ექიმი რადიოლოგი კითხულობს. კვლევის შედეგის მიღებას ქალი 10 სამუშაო დღის შემდეგ შეძლებს.
რატომ არის აუცილებელი ძუძუს კიბოს სკრინინგი?
მამოგრაფია ტარდება შიშველ მკერდზე, რომელიც კვლევის დროს რამდენიმე წამით მოექცევა სპეციალური აპარატურის ქვეშ. პროცედურა მტკივნეული არ არის. მას თან სდევს უმნიშვნელო დისკომფორტი (ამ შეგრძნებას ქალები ხშირად არტერიული წნევის გაზომვას ადარებენ), რომელიც პროცედურის დროს ჯირკვალზე მცირედი ზეწოლით არის განპირობებული და მამოგრაფიული კვლევის დასრულებისთანავე გაივლის.
რა პრინციპით ხორციელდება ძუძუს კიბოს სკრინინგი?
ძუძუს კიბოს სკრინინგი მამოგრაფიული კვლევის საშუალებით წარმოებს. სარძევე ჯირკვლის მამოგრაფია გულისხმობს რენტგენოლოგიურ კვლევას, რომლის დროსაც ძუძუს ქსოვილის დასხივება ჯანმრთელობისთვის სრულიად უსაფრთხო, მინიმალური დოზით ხდება. ძუძუს კიბოს სკრინინგი მეტად ხანმოკლე პროცედურაა.