GNSC - National Screening Center
  • Home
  • Contact
  • Sitemap
  • Facebook
       
ა(ა)იპ ეროვნული სკრინინგ ცენტრი დაფუძნებულია თბილისის მერიის მიერ 2008 წელს. ცენტრის მიზანია სხვადასხვა ლოკალიზაციის კიბოს პრევენცია, ადრეული დიაგნოსტიკის გზით.  დაფუძნებიდან მცირე ხანში, ეროვნული... ვრცლად
ჩვენთვის ქველმოქმედება გადარჩენილ სიცოხლეს მიშნავს, თქვენთვის კი მადლიერების ასეთ სიტყვებს: "თქვენ მე სიცოცხლე მაჩუქეთ" – ეს ჩანაწერი სკრინინგის პროგრამაში მონაწილე ერთ-ერთმა ქალბატონმა თქვენ, ქველმოქმედებს... ვრცლად

ჩვენს შესახებ

ა(ა)იპ ეროვნული სკრინინგ ცენტრი დაფუძნებულია თბილისის მერიის მიერ 2008 წელს. ცენტრის მიზანია სხვადასხვა ლოკალიზაციის კიბოს პრევენცია, ადრეული დიაგნოსტიკის გზით. 

დაფუძნებიდან მცირე ხანში, ეროვნული სკრინინგ ცენტრის საქმიანობა ადგილობრივი და საერთაშორისო ორგანიზაციების ყურადღების ქვეშ მოექცა.  2009 წლის 21 იანვარს, ევროპელი პარლამენტარების სამიტზე, საშვილოსნოს ყელის კიბოს სკრინინგის ქართული პროგრამა სამაგალითოდ აღიარეს აღმოსავლეთ ევროპის ქვეყნებისათვის და დააჯილდოვეს სპეციალური პრიზით - "სიბრძნის მარგალიტი". დღემდე, ეროვნულ სკრინინგ ცენტრს ორჯერ მიენიჭა "ქართული ხარისხის ნიშანი" და მისი მენეჯმენტის ხარისხი და მომსახურება შეფასდა როგორც საუკეთესო.

სადღეისოდ, ეროვნული სკრინინგ ცენტრი დაავადებათა სკრინინგის პროგრამას ახორციელებს თბილისის მასშტაბით, რაც მოიცავს უფასო გამოკვლევებს ძუძუს, საშვილოსნოს ყელის, მსხვილი ნაწლავისა და პროსტატის კიბოს პრევენციისათვის. სკრინინგის პროგრამა უფასოა თბილისში რეგისტრირებული საქართველოს მოქალაქეებისთვის, განსაზღვრული ასაკობრივი ჯგუფების გათვალისწინებით:

  • 40-დან 70 წლის ჩათვლით – ძუძუს კიბოს სკრინინგი
  • 25-დან 60 წლის ჩათვლით – საშვილოსნოს ყელის კიბოს სკრინინგი
  • 50-დან 70 წლის ჩათვლით - მსხვილი ნაწლავის კიბოს სკრინინგი
  • 50-დან 70 წლის ჩათვლით - პროსტატის კიბოს სკრინინგი
  • სკოლიოზის გამოკვლევა - 10–დან 18 წლის ჩათვლით
  • ბრტყელტერფიანობის სკრინინგი - 4–დან 15 წლის ჩათვლით

დაავადებათა სკრინინგის პროგრამას სრულად აფინანსებს თბილისის მერია. 

სკრინინგის პროგრამის ამოქმედების შედეგად, ადრეულ ეტაპზე პათოლოგიის გამოვლენის  მაჩვენებელი სამჯერ გაიზარდა. ეს არ ნიშნავს, რომ კიბოს შემთხვევებმა იმატა. უბრალოდ, ძვირადღირებული გამოკვლევები უფასოდ გახდა ხელმისაწვდომი პროგრამაში ჩართვის მსურველთათვის და მათ შეძლეს  ეროვნული სკრინინგ ცენტრისთვის მიემართათ, ადრე გამოევლინათ პათოლოგია და ემკურნალათ. ეს ნიშნავს, მრავალ გადარჩენილ სიცოცხლეს, რადგან ადრეული დიაგნოსტიკა, საუკეთესო პრევენციაა ავთვისებიან სიმსივნესთან ბრძოლაში.

სკრინინგის პროგრამაში ჩართვის მსურველმა უნდა დარეკოს ნომერზე (032) 2-20-35-35 და ჩაეწეროს გამოკვლევაზე.